Maysa a senior citizen ti nakemmeg gapu iti pannagbat idiay Barangay Pug-os, Cabugao, Ilocos Sur.
Nabigbig ti suspek a ni Nicolas Rivera Encillo, agtawen iti innem a pulo ket tallo, agnaed iti nasao a lugar.
Ti met biktima ket ni Limuel Javier Salmo, agtawen iti tallopulo ket walo, carwash crew, agnaed iti Barangay Quezon, iti nasao nga ili.
Agin-inom ti biktima ken suspek idin ta ti biktima ket napan gimmatang iti ice, ngem idi nagsubli, sinangat daytoy ti suspek gapu iti naariwawa a motorsiklo.
Gapu dayta, rimsua ti saanda a nagkinnaawatan ket bigla a rinaut ti suspek a nakaiggem iti buneng ti biktima a nakapuntaan iti akin-kannigid a pungwa-pungwanna.
Naanawa met ida babaen iti anak ti suspek a ni Julie-Ann Gaspar Incillo.
Naipaagas iti ospital ti biktima para iti naan-anay a pannakatamingna.
Narekobre met ti armas a nausar iti pannagbat.
