--Ads--
VIGAN CITY – Dead on arrival ti maysa a senior citizen gapu iti pannakatinnagna iti nagluganna a jeep idiay Brgy. Poblacion East, Nagbukel.
Ti biktima ket ni Remeo Carbolledo Cabudol, agtawen ti innem a pulo ket walo, Brgy. Kagawad nga agnaed idiay Brgy. Cosocos, Nagbukel idinto a ti suspek ket ti nagmaneho ti jeep a ni Pablito Bigona Gayam, agtawen ti limapulo ket tallo, nga agnaed iti Cosocos, Nagbukel
Maibasar ti pakpaka-una nga imbestigasyon, ti biktima ket naggapo iti ili ti Narvacan isu a naglugan ti tuktok ti jeep a minaneho ni Gayam ngem bayat ti panagtaray ti lugan ket natinnag ti biktima a gappuanan ti pannakadundunorna.
Naipan iti Ilocos Sur District Hospital-Narvacan ngem indeklarar a natay.
-- ADVERTISEMENT --
