VIGAN CITY – Natay ti maysa a senior citizen a natinnag iti concrete canal a nasurok kumurang pito a kadapan ti kangatona iti sangwanan ti pagtaengan ni Shyne Rahon idiay Sitio Turod, Barangay Allangigan Segundo, Candon City.
Nabigbig ti biktima a ni Manuel Gapay Gauran, agtawen iti innem a pulo ket pito, STL agent, agnaed iti nasao a lugar.
Iti pannaki-uman ti Bombo Radyo Vigan ken ni PLTCOL Jessie Balinang, maysa a managan iti Nestor Leste Bautista, agtawen iti innem a pulo ket pito, agnaed iti Barangay Sto. Tomas, Candon City, alas otso iti malem ti January 21, 2024, nakitana ti biktima iti covered court idiay Barangay Sto. Tomas, Candon City a magmagna a nakainom nga agturong idiay Sitio Turod, Barangay Allangigan Segundo, Candon City.
Nagsagaba iti dunor iti ulo ti biktima a naipaagas iti ospital ngem naideklarar a dead on arrival.
Nupay kasta, saanen nga immannugot ti pamiliana nga ipaidalan pay ti bangkay ti biktima iti autopsy ta kumbinsidoda met nga awan ti foul play ti pannakatayna.
