VIGAN CITY – Nadunor iti nadumaduma a paset ti bagi ti maysa a senior citizen ta nadungpar iti Multicab bayat iti panangisalakanna ti ubing a nagballasiw iti national highay idiay Barangay Poblacion Norte, Sta. Maria, Ilocos Sur idi alas onse singko iti bigat idi September 1, 2024.
Ti nagmaneho ti puraw a Rusco Multicab ket ni Daniel Villaguarda Engracia, agtawen iti sangapulo ket siam, baro, holder iti Non- Professional Driver’s License nga agnaed idiay Barangay Acaban, Culaba, Biliran nga agtaltalinaed ita idiay Gabur Norte, Sta. Cruz
Nabigbig ti pedestrian a ni Susana Antolin Abarra, agtawen iti pitopulo, unemployed nga agnaed idiay Barangay Nalvo, Sta. Maria.
Agpapaamianan ti multicab ket idi nadanonna iti nasao a lugar, kellaat nga adda timmaray nga ubing a napan iti highway isu a sinurot ti senior citizen ket induronna nga impaigid ngem isu metten iti nadungpar.
Gapu dayta ket nagsagaba ti dunor iti baket isu a naipan iti Ilocos Sur District Hospital-Narvacan idinto a ti ubing ken driver ti multicav ket saan a naan-ano.
Naipan iti lugan iti Sta Maria Police Station para iti proper disposition ken documentation.
