VIGAN CITY – Natay ti maysa a senior citizen ta naitupa iti ulo na iti napasamak a riri idiay Brgy. Laslasong Sur, Sta. Maria.
Nabigbig ti biktima a ni Alejandro Dasalla Castro, agtawen iti innem a pulo ket tallo ken ti nakariri na a suspect a ni Jhon Jhon Federico Ringor Calibuso III agtawen uppat a pulo ket maysa.
Segun ti Sta. Maria Municipal Police Station, nakaawat da iti report inaig iti mapaspasamak a komosyon iti nasao a lugar iso a nagresponde da a dagus.
Agpada a nabartek ti suspect ken ti biktima nga adda iti naisawang na a saan a kinayat ni Calibuso a puon no apay a kinarit na iti dinnanog.
Nagsagaba iti injury iti ulo ti biktima gapu ti pannakaitupa na ket naitaray ti Reyes Click and Hospital ken nayalis idiay Metro Vigan Hospital ngem natay.
