VIGAN CITY – Maysa a mangngalap a senior citizen iti nakemmeg gapu iti panagpammarangna a police officer ken ti panagikotna iti patadem a banag idiay Brgy. Ankileng, Sta. Lucia.
Segun ti Sta. Lucia Municipal Police Station, ti suspek ket ni Danilo Callejo Valdez, agtawen iti innem a pulo ket dua, naasawaan, mannalon nga agnaed idiay Brgy. Nangalisan, Sta. Lucia.
Nakaawat ti impormasyon ni Pat. Nathaniel Sumawang a kameng ti Sta. Lucia PNP manipod concerned citizen inaig iti masuspetsa a tao a mapapati a makiriri iti sangwanan iti 7 eleven Convenience Store idiay Brgy. Barangubong, Sta. Lucia ken nagpayam-ammo kas police officer kasta payen a mapapati nga addaan ti kontrabando iti uneg iti sling bag-na ngem naglugan iti nalabbaga a motorsiklo a pimmanaw iti nasao a lugar isu a sinurot ni Pat. Sumawang babaen iti panagaramatna iti service motorcycle.
Apaman a nakadanon iti sangwanan iti Sta. Lucia Police Station, nagsardeng ni Valdez a gappuanan iti panangkomprontar ni Pat. Sumawang ket inimbitaranna iti Police Station ngem naamwan ti kinataona apaman a kina-uman ni Pat. Joseph Sanchez a kameng met laeng ti Sta. Lucia PNP ken kiniddawna iti pananglukatna iti sling bag-na tapno ipakita iti adda iti unegna a nakaalaanda iti jungle knife ken PNP badge ken agduduma nga ID.
Naipan ti suspek iti Ilocos Sur district Hospital idiay Brgy. Ronda Sta. Lucia para iti medico-legal examination-na ngem naiyakar met laeng iti Sta Lucia Police Station.
