VIGAN CITY – Burburtia iti pamilya ti maysa a senior citizen ti rason iti panagpakamatay na babaen ti panaginomna ti insecticide idiay Brgy. Bequi-Walin, Lidlidda.
Iti pannaki-uman ti Bombo Radyo Vigan kenni Josephine Joaquin, asawa ti biktima a ni Romeo Joaquin, napan ti natayan ti asawana idi rabii ti September 24 a nagpatpatnag ngem saan a nagawid ti pagtaengada no diket napan kadagiti appona a nagpakpakada ken sakbay a nagawid ti pagtaengada ket nagpaluto ti kanenna.
Nagpakada ni Romeo ti anakna a ni Vangie ket kinunana a saannan a makita a dumakkel dagiti apo na isu a tinawagan ni Vangie ti inana a mapanna sudoen.
Malem ti nasao nga aldaw nagpagatang ti arak ti biktima agingga a naprobukar ket nadangranna ti asawana ket idi makapuot ni Josephine nakaidda ti indayon ti asawana nga aglablabutaben ti ngiwatna.
DuPont Lannate ti ininom ti biktima nga araramatenna iti panagspray-na kadagiti mula.
Innayon ni Josephine nga isu lang ti aldaw ken kanito a nadangran isuna ti asawana manipod idi nagdennada ta no saan a makainom ket saan nga maununi ti asawana.
