--Ads--
Nagsagaba iti nakaro a dunor iti ulo ti maysa a senior citizen gapu iti pannakaidungpar ti minanehona a motorsiklo iti poste iti national highway ti Barangay San Lucas, Magsingal, Ilocos Sur.
Ti senior citizen ket lalaki nga agtawen iti innem a pulo ket dua, taga-Barangay Bungro, Magsingal, minanehona ti maysa a motorsiklo.
Agpapa-abagatan ti motorsiklo idin ta saan a nakontrol ti drayber ti manibela ket naidungpar iti poste ti koriente iti sangwanan ti public market ti nasao a barangay.
Naduktalan a nakainom ti senior citizen idi mapasamak ti aksidente.
-- ADVERTISEMENT --
