Natay ti maysa a senior citizen a nagmaneho iti traysikel gapu iti pannakatubobna ti maysa a pick-up iti provincial road ti Barangay Poblacion Norte, Sta. Maria, Ilocos Sur.
Ti pick up ket minaneho ni Asero Amayag Casigay, agtawen iti limapulo ket innem, pastor, taga-Barangay Tat-Tawa, Peñarrubia, Abra ken ti traysikel ket minaneho ni Folorentino Bisalda Montero, agtawen iti innem a pulo ket pito, tricycle driver, taga-Barangay Maynganay Norte, Sta. Maria.
Iti pannaki-uman ti Bombo Radyo Vigan ken ni PMaj. Macario Dulawan, agpapa-amianan dagiti dua a lugan ket idi nagtengda ti nakapasamakan ti insidente, nagmenor ti pick up nga agpaigid koma iti kalsada ngem adda nakaparking a lugan isu a naglisi met laeng.
Pinadas met ti traysikel a lisyan ti sarsarunwenna a pick up ngem ngem natukbobna latta daytoy, puon ti nakatinnagan ti drayber iti kalsada.
Gapu dayta, nagsagaba iti nakaro a dunor iti ulo ti drayber ti traysikel a naitaray iti ospital ngem dead on arrival idinto a saan a naan-ano ti drayber ti pick up.
