--Ads--
VIGAN CITY – Maysa a senior citizen iti pimmusay ta nadungpar iti ili ti Bantay bayat ti panagbisikletana.
Nabigbig ti biktima a ni Severiano Coronado Alonzo, agtawen ti walopulo ket maysa nga agnaed idiay Zone 2, Bantay.
Maibasar ti pakpaka-una nga imbestigasyon, agpapaabagatan a direksyon ni Alonzo ken ti maysa a van a minaneho ni Efren Cortez Piga, agtawen ti limapulo ket lima, naasawaan nga agnaed idiay Brgy. An-annam, Bantay idin bigla a nadungpar ni Piga ni Alonzo nga adda iti sangwananna.
Nadundunor iti nadumaduma a paset ti bagi ni Alonzo isu a naipan iti Metro Vigan Cooperatice Hospital idinto a saan a naan-ano ti driver ti van.
-- ADVERTISEMENT --
