VIGAN CITY – Iliw iti pamilya ti rason nu apay a nagpakamatay babaen ti panagbekkel ti maysa a lalaki a senior citizen iti Brgy Cuancabal ili ti Cabugao.
Iti pannaki-uman ti Bombo Radyo Vigan ken ni Pmaj. Franco Catalan ti Cabugao Municipal Police Station, nabigbig ti biktima a ni Alfredo Ramos Sr., agtawen iti innem a pulo ket siam, caretaker ken stay-in iti Razees Gravel and Sand ngem residente ti Brgy Dardarat ti nasao metlaeng nga ili.
Segun iti putot na a ni Jemma salarzon, agtawen ti 26 ken naikamang iti Brgy Salomague, tallo a tawenen a saanna nakadwa ti biktima ti asawana idinto nga adda iti adayo a lugar dagiti dadduma a putotna a puon iti pannakailiwna unay kadakuada.
Nasarakan ti kapitan ti Brgy. Turod a ni Expedito Sotto ti biktima a nakabitin iti uneg ti barracks babaen ti tali.
