--Ads--
VIGAN CITY – Dead on arrival ti maysa a senior citizen a nadungpar iti motorsiklo idi agballasiw iti national highway ti Barangay Casilagan, Sta. Cruz, Ilocos Sur.
Nabigbig ti biktima a ni Santiago Galingan, agtawen iti innem a pulo ket tallo, agnaed iti Barangay Casilagan iti nasao nga ili.
Ti met nagmaneho iti motorsiklo ket ni Francis Dominic Cordova Lata, agtawen iti duapulo ket maysa, backrider-na ni Ivy Jane Panganiban, agtawen iti duapulo ket uppat, agpada a taga-Barangay Sawat, Tagudin.
Agpapa-amianan ti motorsiklo idin ta nagballasiw ti senior citizen ket nadungpar iti motorsiklo.
-- ADVERTISEMENT --
Gapu dayta, agpada a nadunor dagiti nagkalugan iti motorsiklo idinto a ti senior citizen ket saanen a nakalasat.
