VIGAN CITY – Maysa a senior citizen iti natulungan dagiti kameng ti Santa Municipal Police Station ken Santa Local Government Unit tapno makaawid ti lugarda.
Nbigbig ti baket a ni Balsini Pait agtawen pito pulo ket dua agnaed ti Brgy. Poblacion, Boliney, Abra.
Segun ti Santa Municipal Police Station, nakaawatda ti tawag manipod kenni Brgy. Capt. Emil Franco ti Brgy. Marcos District nga adda iti maysa a baket a nakitada nga agtugtugaw ket sinaludsodda no papananna ket nadakamatna a mapanna bisitaen ti anakna ngem nalipatanna no sadino iti pagnanaedanna.
Timmawagda ti Santa Municipal Police Station nga insigida a nagtignay a nangsaludsud kadagiti naananay nga impormasyonna ken nakikinnammayetda ti Boliney Police Station iso a naammuanda a naglibas ti ni Nana Balsini a mapan mangiliw ti apona idiay Brgy. Bucalag.
Impakammu ti Santa Municipal Police Station ti opisina ni Municipal Social Welfare and Development Office Geneveive Balbuena ti nasao a pasamak ket pinakammuanda ti MSWD Officer ti Boliney a ni Joana Dacuyag iti kaadda ni Pait iti nasao nga ili.
Nairana nga adda iti nasisita a ranta dagiti kameng ti MSWD Boliney idiay siudad ti Vigan iso nga ikuyog danton iti panagawidda.
Kabayatan iti panagurayda kinuyog ti Santa Municipal Police Station ni Nana Balsini a mapan mangiliw ti apona sakbay a nagawid iti kamalemanna.
