VIGAN CITY – Natay ti maysa a senior citizen a babai ta nadungpar iti SUV bayat ti panagballasiwna iti national highway idiay Barangay Paing, Bantay, Ilocos Sur.
Ti senior citizen a nadungpar ket ni Angelita Queral Alip, agtawen iti pitopulo ket pito, agnaed iti San Mariano, Bantay idinto a ti nagmaneho iti SUV ket ni Richardson Hafalla De La Peña, agtawen iti uppat a pulo ket maysa, agnaed iti Barangay Quinarayan, Narvacan.
Iti pannaki-uman ti Bombo Radyo Vigan ken ni PMaj. Pol Areola a hepe iti Bantay Municipal Police Station, kalpasan a nakipaskua ti senior citizen iti maysa nga store iti nasao a lugar ket mapan koma iti bangir a paset ti kalsada isu a bimmallasiw iti national highway ngem isu metten ti pannakadungparna iti SUV.
Segun ken ni Areola, gapu ti sinagaba a dunor ken impact iti pannakaibansag ti senior citizen ket naideklarar a dead on arrival iti ospital idinto a saan a naan-ano ti nagmaneho iti SUV.
Nupay kasta, tumulong ti driver ti SUV iti pamilia ti senior citizen inaig iti magastos para iti pannakaitabon ti biktima.
VIDEO – PMAJ. POL AREOLA
