--Ads--
Saan a kayat ni House Quad Committee co-chairperson ken Surigao del Norte 2nd District Rep. Robert Ace Barbers nga ipasa dagiti natakuatan ti panel-da iti International Criminal Court (ICC).
Kitkitaen ti ICC dagiti mapapati a panagabuso iti karbengan ti tao kabayatan ti drug war ni dati a Presidente Rodrigo Duterte.
Segun ken ni Barbers nga ipatangkenda iti immun-una a deklarasion ni Presidente Ferdinand Marcos Jr. nga saan a bigbigen ti pagilian ti jurisdiction ti ICC iti Pilipinas.
Immunan a kinuna ni Executive Secretary Lucas Bersamin a saan nga i-endorso ti gobierno ti Pilipinas ti quad comm findings iti ICC.
-- ADVERTISEMENT --
Nupay kasta, kinuna ni Barbers a nawaya ti ICC ken dagiti investigators da a mangsukimat iti House hearings iti social media.
