Impaganetget ni Senate President Sherwin Gatchalian nga addan ti consensus wenno katulagan ti dagiti senator-judges no maisubli iti malem ti schedule ti impeachment trial ni Vice President Sara Duterte tapno mapadaras ti taray dagiti panagdengngeg.
Segun ken ni Gatchalian, maysa kadagiti inadal da ti panangisubli iti malem ti trial gapu ta no bigat ket limitado laeng daytoy gapu ta kasapulan da pay nga i-suspend tapno maikkan dalan ti session.
Nupay adda consensus dagiti senatror-judges, pormal daytoy a maidatag ken maipatungpal iti daytoy a lawas.
Maipalagip nga immuna nga insingasing ni Senator-Judge Juan Miguel “Migz” Zubiri nga isubli ti malem ti trial.
Inrekomendar na nga isayangkat dagiti legislative session iti bigat ken ti impeachment trial ket mabalin a maisayangkat manipud alas-3 ti malem agingga rabii.
Gagem ti addang tapno maikkan ti naan-anay nga oras ti prosekusyon ken depensa nga agipresentar ti argumento-da.
