Lineppasen ni Senate President Sherwin Gatchalian ti naibilang a “Senateflix” wenno arigna pabuya a sinubaybayan ti publiko kadagiti naglabas a riribuk iti liderato ti Senado.
Segun ken ni Gatchalian, nalpasen ti ‘Senateflix’ ken ‘back to work season’ itan dagiti senador.
Kunana a makitan idi pay la kalman ti panagtrabaho ti Senado kalpasan a nakaipasada kadagiti linteg ken makumpirmaran ti promosyon dagiti 5 a heneral ken 85 nga opisial ti Department of Foreign Affairs.
Impaganetget ni Gatchalian a kadagiti sumarsaruno a lawas ket idatagda dagiti Legislative Executive Development Advisory Council (LEDAC) bills a kasapulan a maileppas ken maidatag pay dagiti panagsagana para iti impeachment trial inton July 6.
Pokusanda payen dagiti dadduma a priority bills ken mabilinen ti komite a mangisayangkat iti hearing kalpasan a madutokan dagiti chairman, vice chairs, ken dagiti miembro ti komite.
