Saan a kayat ti agkomento ni Senate President Chiz Escudero iti impeachment kontra ken ni Bise Presidente Sara Duterte.
Immuna a kinuna ni Presidente Ferdinand Marcos Jr a nagpanawagan a saan nga ituloy ti impeachment kontra iti bise presidente.
Segun ken ni Escudero, awan ti maitedna a statement maipapan iti impeachment nangruna ta maituding ti Senado a mangdengngeg iti amin nga impeachment cases.
Innallukoy met ti presidente ti senado dagiti kakaduana iti Upper House nga isu met ti aramidenda.
Maibasar iti proseso, inton lumabas iti Kamara dagiti articles of impeachment kontra iti maysa nga opisial ti gobierno, mapan daytoy iti senado tapno mangisayangkat iti trials.
No maduktalan ti senado a guilty, maikkat ti akusado nga opisial iti puestona.
