VIGAN CITY – Kinumpirmaan ni Senate Majority Leader Joel Villanueva ti mapasamak a panagbaliw ti liderato iti maisayangkat a sesyon iti senado.
Iti impatulod a mensahe ni Villanueva kadagiti kaduana nga agpampandaylinteg, impost na ti agenda ita nga aldaw iti sesyon ket naikabil ti panagbaliw iti liderato.
Iti agenda ket nagyaman ni Villanueva iti “trust and confidence” nga inted kenkuana dagiti padana a senador kagiddan ti panagpakadana kadakuada idinto a ni Senate President Juan Miguel Zubiri ket mangted met ti speechna iti sesyon a manamnama a mainaig iti panagsukat iti senate leadership.
Agikkat ni Zubiri isu a mabakante ti pwestona ken sukatanto met ni Senador Francis Chiz Escudero, a sinuportaran dagiti sangapulo ket lima a senador pakairamanan ti dati a runningmate na a ni Sen. Grace Poe, agina a da Sen. Cynthia ken Mark Villar, ken dagiti agkabsat a da Sen. Alan ken Pia Cayetano.
Pabor met iti panagsukat ti liderato ti senado da Senador Sherwin Gatchalian, Francis Tolentino ken Jinggoy Estrada.
