Senate Pres. Gatchalian, pinasingkedanna nga adda seryoso a sakit ni Sen. Legarda

Agtaltalinaed a naka-medical leave ni Senador Loren Legarda gapu iti nakaru a sakit kas pinasingkedan ni Senate Pres. Win Gatchalian.

Segun ken ni Gatchalian, ammona no ania iti sagsagabaen ni Legarda ngem nagkedked daytoy a mangibaga ta personal ti nasao a banag.

Kinunana a nabayagdan nga agpagayam ken ni Legarda ken naibagana idi kenkuanan a nakaru ti sakitna sakbay pay a nangrugi iti impeachment trial ni Vice President Sara Duterte.

Innayonna a saan nga al-alaen ni Legarda ti sueldona bayat a naka-medical leave.