Pinasingkedan ni Senate President Sherwin Gatchalian a nagbalin a naurnos ti taray ti impeachment trial ni Vice President Sara Duterte iti umuna nga innem nga aldaw.
Segun ken ni Gatchalian, dakkel ti kontribusyon ti dua a panel tapno mapagtalinaed ti naurnos a taray ti trial iti baet dagiti nagsasaruno a courtroom debate iti nagbaetan iti dua a team.
Nakatulong pay dagiti nagsasaruno a panagsagana iti Senado ken ti kooperasyon dagiti senador, aktibo a presensya ti Senate Sergeant-at-Arms ken dadduma pay a bisita.
Inlawlawag ti Senate President nga adda aspeto ti peace and order ti impeachment trial ta maysa a nangato a political figure ti matra-trial isu a tinutokan ti Senado ti seguridad ken kinaurnos iti trial.
Kinunana a sigurado nga agbali nga exciting iti trial inton Lunes, July 20 ta manamnama a sumango ni National Bureau of Investigation (NBI) Director Melvin Matibag idinto nga iruar payen ti impeachment court ti desisyon iti makidkiddaw a subpoena iti House prosecution panel.
Kinuna ni Gatchalian, ti makidkiddaw wenno maipapasubpoena a dokumento ket ti maibilang a kapatgan nga aspeto ti complaint, babaen ngamin ti nasao a dokumento ket makita ti korte ti pakabuklan a financial issue a maibatbato kontra iti bise presidente.
