--Ads--
Indepensar ni Senate President Francis Chiz Escudero a tao laeng ket saan a robot da Senador Nancy Binay ken Senador Alan Peter Cayetano kalpasan ti panagsinnungbatda bayat ti umuna a hearing iti Senate Committee on Accounts inaig ti kontrobersyal a baro a Senate Building.
Segun ken ni Escudero, adda ti emosyon dagiti senador isu a makariknada iti sakit.
Kinunana a saan nga umuna a gundaway nga adda nagsinnungbat ken walk out ta paset kadagiti miembro ti Senado dayta.
Maipalagip a nagwalok-out iti hearing ni Binay iti umuna a meeting kadua ni Cayetano ta impakaammo ni Escudero iti flag-raising ceremony idi Hunyo 10 a masapul nga adalen ti New Senate Building ta immabot ti P23 billion ti gatad ti pannakapatakderna.
-- ADVERTISEMENT --
