Binanatan manen ni Senate Minority Leader Alan Peter Cayetano da Senador Ping Lacson ken Senador Erwin Tulfo iti Facebook live-na mainaig iti naisardeng nga imbestigasion iti mapapati a maanomalya a flood control projects.
Segun ken ni Cayetano, nakakadkadlaw nga iti panangidaulo ni Lacson iti Senate Blue Ribbon Committee ket isuna ti nangituding iti direksion iti imbestigasion ken nangisuro no asino ti adda sungsungbatanna ken no asino ti awan imbes nga agibasar kadagiti ebidensia.
Inyarig pay ni Cayetano ni Lacson kadagiti dati a chairman ti BRC da dati a Sen. Richard Gordon ken dati a Senador Teofisto Guingona III, a kunana nga idi ket sisasagana kadagiti ayab dagiti kasapulan a testigo kadagiti panagdengngeg.
Dinayaw pay ti dati a Senate Presidente ti agdama a chairman ti BRC, gapu iti mapapati a masansan a panangibagana nga ag-inhibit iti imbestigasion ti Senado no sumango dagiti 18 a kameng ni Co.
