Kinumpirmaran ni Senate Ad Hoc Committee chairperson Sherwin Gatchalian a maisayangkat ti umuna a panagdengngeg ti komite inton Marso 24, mainaig iti epekto ti krisis ti kumarkaro a tension idiay Middle East iti pagilian.
Pinasingkedan ni Gatchalian a sukisoken ti komite ti naan-anay a pondo iti General Appropriations Act 2026 tapno marisut ti epekto ti krisis gapu ti tension iti nagbaetan ti Amerika, Israel ken Iran.
Mabalin a maapektaran ti food security gapu iti panagserra ti Strait of Hormuz nga isu ti napateg a ruta iti world market ti langis, natural gas kasta pay dagiti fertilizer.
Intuding ti senador uray naka-break ti Kongreso iti panawen ti Holy Week ket kasapulan nga agipasa dagiti ahensia ti gobierno ti bukod da a contingency plans a mabalin a pagtitiponen iti panagsagana ti worst-case scenarios.
