Naikkaten iti 2026 FIFA World Cup ti maysa kadagiti naibilang a powerhouse team a Senegal kasaruno ti balligi a comeback iti Belgium iti nagbalin a laban dagiti dua iti Seattle Stadium ita nga aldaw, July 2.
Kinamat ti Belgium ti 2-0 iti umuna a limapulo ket maysa a minutos iti laban ken innalada iti 3-2 win iti maudi a paset iti ay-ayam.
Immunan a naiserrek ti Senegal striker a ni Habib Diarra ti maysa a goal iti maika-duapulo ket lima a minutos iti laban a sinaruno pay ti kaduana a ni Ismaila Sarr iti rugi iti second half, wenno maika-limapulo ket maysa a minutos iti laban.
Iggem ti 2-0 a bentahe, nagtultuloy iti natibker a depensa ti African team ngem binaliktad dagiti substitute ti Red devils ti sitwasyon iti maudi a paset iti labanda.
Apaman a nakastrek iti maika-walopulo ket innem a minutos ket iggem ti Belgian midfielder Romelu Lukaku ti grupo para iti umuna a goal-da.
Kalpasan iti tallo a minutos ket inserrek ni Youri Tielemans ti equalizer babaen iti maysa a napintas a header tapno ipwersa iti ay-ayam iti extra time.
