Impaganetget ni Senator Robin Padilla nga awanen ti plano na a tumaray iti politika gapu ta kayat na nga ipokus ti panawen kadagiti babassit nga anak na ken maysa a naulimek a biag.
Segun ken ni Padilla, adu dagiti mangibag-baga kaniana nga agtalinaed iti politika, ngem pinasingkedan na a saan isunan a mai-bagay iti lubong ti politika.
Kabayatanna, impakaammo ti senador dagiti sumagmamano a personalidad a kayat na a katandem ni Vice President Sara Duterte iti 2028 National and Local Elections nga agbalin a bise presidente na kas da Senador Alan Peter Cayetano, Senador Imee Marcos, Sen. Bong Go, Senador Ronald “Bato” Dela Rosa, Senador Rodante Marcoleta, ken Salvador Panelo.
Maipalagip nga immunan nga impakaammo ni VP Sara ti plano na a tumaray kas presidente inton tawen 2028.
