Kwinestyonaran ni Senator-Judge Imee Marcos ti panagsango kas expert witness ni retired Sandiganbayan Presiding Justice Amparo Cabotaje-Tang iti maika-24 nga aldaw ti impeachment trial kontra ken ni Vice President Sara Duterte.
Agdudua ni Marcos no apay a simmango ti testigo iti korte gapu ta saan met isuna nga ag-kumpirma dagiti dokumento ken awan met ti maited mainaig kadagiti facts.
Inlawlawag met ni House prosecutor Rep. Chel Diokno, saan a timmestigo ni Cabotaje-Tang tapno tumestigo kadagiti facts wenno ag-authenticate dagiti dokumento ngem tapno ipalawag ti legal framework mainaig ti pondo a matratratar iti impeachment case.
Segun ken ni Diokno, saan a simmango ni Cabotaje-Tang tapno agsao mainaig iti kinapudno dagiti dokumento ngem tapno mangted ti legal nga impormasion iti korte ken kadagiti Pilipino.
