Kiniddaw ni Senador Rodante Marcoleta iti Senado a mangkita ti addang tapno makapaset da ken ni detained senador Jinggoy Estrada iti impeachment trial ni Vice President Sara Duterte.
Segun ken ni Marcoleta, nupay nakabalud da ken ni Estrada ken adda sangsangoen da a kaso a plunder iti Sandiganbayan, agtaltalinaed da a dua a senador ken adda karbengan da nga agbotos iti trial.
Immunan a nagipasa ni Marcoleta ti surat iti impeachment court tapno kiddawen a bigbigen ti botos-na.
Pinasingkedan met ni Presiding officer Francis Escudero a nakalukat isuna iti daytoy a singasing basta awan ti bilin a preventive suspension kontra ken ni Marcoleta.
Kabayatanna, imbasura ti Fifth Division ti Sandiganbayan ti kiddaw ni senador Estrada a makipaset iti impeachment trial ni VP Sara.
