--Ads--
Posible a saanen nga umawat ti sweldo ken allowance ni Senador Ronald Bato Dela Rosa bayat nga agtultuloy a saan nga agpakpakita iti Senado.
Pinasingkedan ni Senador JV Ejercito a pinagpatangan ti Senate Committee on Ethics dagiti nakapenpen a reklamo kontra iti sumagmamano a senador iti salinong ti first-in, first-out a sistema.
Pinagpatangan ti komite ti sitwasion ni Dela Rosa ket impakaammo ni senador Ejercito nga adda indikasion a pagpanpanunuton ti kampo ti senador ti boluntario a panangisuko ti sweldo ken allowances na bayat nga awan iti Senado.
Saanen nga immatendar ti session ni senador Bato manipud idi Nobiembre 2025, kasaruno ti damag a maipagarup a nagiruar ti International Criminal Court ti warrant of arrest kontra kenkuana.
-- ADVERTISEMENT --
