Naudi a naammuan ti lokasion ni Senador Ronald Bato Dela Rosa ket idiay Mindanao, segun ken ni Department of the Interior and Local Government (DILG) Secretary Jonvic Remulla.
Kagiddan daytoy, pinaglibakan ni Remulla dagiti agwarwaras a damag a nakemmeg ni Dela Rosa mainaig ti arrest warrant manipud iti International Criminal Court.
Ber-beripikaren dagiti otoridad ti nadakamat a damag ngem awan ti nakita da a pagibasaran kadagiti claim a natiliw ti agpampanday linteg.
Impasigurado ti DILG chief a suroten dagiti pannakabagi ti linteg ti legal a proseso pakairamanan ti booking ken panagsango ti senador iti lokal a korte sakbay daytoy nga agbalin a subject ti extradition.
Maipalagip a nangrugi a naglemmeng ni senador Dela Rosa manipud iti pimmanaw iti premises ti Senado idiay Pasay kalpasan ti shooting incident idi Mayo.
