Kiniddaw ni Senate ethics committee chairperson JV Ejercito ken ni Senador Ronald “Bato” dela Rosa a mangted ti komento iti gakat nga amyendaran ti Senate rules tapno maipatungpal ti “no work, no pay” policy kadagiti senador a kinanayon nga ag-absent.
Segun ken ni Ejercito, natratar daytoy ti Senate Committee on Ethics and Privileges iti taripnong da mainaig iti reklamo kontra iti sumagmamano a miembro ti Senado.
Pinasingkedan ti senador a kayat da nga itandudo ti patas a patakaran nga uray dagiti senador ket masapul a sumurot iti prinsipiyo a no saan nga agtar-tarabaho ket saan nga umawat ti sweldo ken allowance.
Impaganetget pay ni Ejercito a ni Dela Rosa ket saan pay nga immatendar ti session manipud idi Nobiembre 2025 iti tengnga ti damag a nagiruar ti arrest warrant ti International Criminal Court (ICC) mainaig ti war on drugs.
