Impanakkel ni Senador Alan Peter Cayetano ti pannakapirma tapno agbalin a linteg ti Phivolcs Modernization Act of 2025 wenno Republic Act No. 12180 ta patienna a makatulong iti pagilian tapno mapapigsa ti disaster risk management programs.
Segun ken ni Cayetano, babaen ti panangpamoderno ti PHIVOLCS ket masigurado ti science ken innovation ti puso iti disaster reponse and preparedness.
Innayonna a ti linteg ket saan laeng a panawagan para ti master plan ngem mangkeddeng pay iti nalawag a national policy a suroten iti amin tapno a makasagana.
Ni Cayetano nga aktibo iti panangiduron ti modernization ti PHIVOLCS iti Senado ket adda idiay Malakanyang idi naipresentar iti linteg idi May 22.
Ti event ket inatendaran dagiti opisyal ti Department of Science and Technology (DOST), Philippine Institute of Volcanology and Seismology (PHIVOLCS), ken dagiti miembro ti Kongreso.
Maipalagip a sisusuportar ni President Ferdinand Marcos Jr. ti pannakapirma ti nasao a linteg idi April 24, 2025.
