Rugian ti Senate Committee on Games and Amusement ti imbestigasyon iti negatibo nga epekto ti online gambling inton Huebes, August 14, 2025.
Segun ken ni Senate Committee on Games and Amusement Chairman Erwin Tulfo, ipangrunana a maisalang iti komite dagiti gakat ken resolusyon mainaig ti epekto ti online gambling a maibilang a kumarkaru a krisis a kasapulan a matignayan nga insigida.
Karaman kadagiti mapaayaban nga ahensya ti gobierno ti Philippine Amusement and Gaming Corporation (PAGCOR) ken Department of Finance (DOF) a pangkitaan kadagiti pros ken cons iti industriya apaman a maideklarar nga ilegal.
Ammo ti senador nga awan ti regulasyon ti online gambling isu nga awan ti kontrol ti panagsugal dagiti tattao ken uray ubbing ket naigameren iti sugal.
Numan pay kayat ni Tulfo ti total ban iti online gambling ket masapul latta a kitaen nu dakdakkel ti social ills wenno parikot iti kagimungan iti agbalin a resultana kumparar iti masapulan ti gobierno.
