Naituding a palawaen ti Senado ti Absentee Voting Law tapno mainayon ti electronic ken postal mode ti panagbotos kadagiti amin a lehitimo a Pilipino nga aggigyan wenno agtrabtrabaho iti sabali a pagilian.
Pinasingkedan dayta ni Senador Alan Peter Cayetano bayat a mapagpatpatangan ti gakat iti salinong ti Senate Committee Report No 369 tapno mapapigsa ti demokratiko a karbengan ti Overseas Filipino Workers ken dadduma pay a Pilipino iti sabali a pagilian.
Innayonna a mapalawa ti wagas iti panagbotos kangrunaan iti wagas nga electronic ken postal voting.
Trinatar ti Senado ti Senate Committee Report No 369 a naipila iti Senate Committees on Electoral Reforms; ken Finance idi November 27, 2024 a ti gagemna ket amyendaran ti Overseas Absentee Voting Act tapno marisut dagiti karit a mapadpadasan dagiti botante a Pilipino iti sabali a pagilian ken maliklikan ti pannaka-disenfranchise.
