Nakasagana dagiti senador a mangsuportar iti kabarbaro a Department of Works and Highways (DPWH) Secretary a ni Vince Dizon.
Segun ken ni Senate President Chiz Escudero, ammoda a dakkel a karit iti sangwen ni Dizon ngem gundawaynan nga ipatungpal ti long-overdue a reporma iti ahensya.
Kinunana a nakasagana iti Senado a suportaran ti reportma nga idurduron ni Dizon tapno masigurado a dagiti public works ket maipaay nga epektibo, transparent ken full-accountability.
Uray ni Senador Loren Legarda ket siniguradona a nakasagana dagiti senador a tumulong ken ni Dizon tapno magun-odna iti transparency ken panangiyetnag iti pagsayaatan iti publiko.
Natalek met ni Senate Majority Leader Joel Villanueva a dakkel ti akem ti secretary tapno dalusan ti ahensya kas iti inaramidna a tignay ken panagdisiplina iti Department of Transportation (DOTr).
Kinuna met ni Senador Erwin Tulfo a nakita iti amin nu kasano nga agtignay ni Dizon iti DOTr ta nu adda agreklamo ket tignayanna nga insigida.
