--Ads--
Mangisayangkat ti Senado iti pre-trial proceeding sakbay ti trial proper no bilang ipatuloden ti Kamara ti articles of impeachment kontra ken ni Vice President Sara Duterte.
Inlawlawag ni Sotto a kasapulan ti pre-trial process tapno maliklikan ti pannaka-allilaw ti korte ket inyarigna pay ti impeachment trial idi 2012 ni dati a chief justice Renato Corona nga adda naiparang a ‘surprise witness’ iti katengngaan ti trial.
Segun ken ni Sotto, nasaysayaat no personal a dumar-ay ni Duterte iti impeachment trial, no bilang matuloy tapno maikalinteganna ti bagina manipud kadagiti pammabasul.
Maipalagip a 55 a miembro ken ex-official member ti bimmotos a pabor iti nasao a report kabayatan ti panagdengngeg ti House Justice Committee.
-- ADVERTISEMENT --
