Makikammayet ti liderato ti Senado iti Office of the Ombudsman maipanggep ti panag-imbestigar iti amin dagiti karaman iti flood control scam.
Segun ken ni Blue Ribbon Committee Chairman Senator Erwin Tulfo, makitaripnong da ken ni Senate President Sherwin Gatchalian ken ni Ombudsman Jesus Crispin Remulla inton sumaruno a lawas tapno lawagan no bagienda amin nga imbestigasion iti maanomalia a flood control projects.
Kitaenda no kasapulan pay wenno saanen nga ituloy iti imbestigasion iti Senado iti flood control anomalies wenno itedda laengen iti Ombudsman.
No kas bilang ket nakasagana latta nga agpaayab ti panagdenggeg ni Tulfo no adda baro nga impormasion ngem nadardaras iti imbestigasion ken panangbukel ti kaso no Ombudsman ti agtignay ta agpaut laeng no dumalan pay iti Senado.
Malaksid dayta ket adu iti trabaho iti Senado pakairamanan ti panagaprubar iti gakat, impeachment trial ni Vice President Sara Duterte ken imbestigasion iti dadduma pay nga isyu.
