Kwinestyonaran iti Senado ti Department of Energy (DOE) gapu iti kina-wan ti panangidulin wenno stockpiling ti langis kasaruno ti balaag ti ahensia a posible a sangoen ti Pilipinas ti sitwasion a maawanan ti suplay ti krudo ti pagilian.
Binabalaw ni Senador Loren Legarda ti maipagarup a panag-rason ti DOE a nakagalot ti ima ti gobierno gapu iti Oil Deregulation Law nga agbal-balin a lapped iti panangidulin ti reserba a langis ti pagilian.
Segun ken ni Legarda, ti panagsagana ti krisis ket saan a panangserrek iti pribado a negosio ngem maysa a napateg nga obligasion ti gobierno.
Kayat ti senador a masapul nga ipa-awat dagiti nasurok P110 milyon a Pilipino no ania ti agbalin nga epekto na daytoy kangrunaan kadagiti ordinaryo nga umili ken ti sektor ti agrikultura.
