Iraman ti Senate games and amusement committee ti online cockfighting wenno e-sabong iti sumaruno a hearing kasaruno ti agtultuloy nga operasyon idiay Batangas ken Central Luzon iti baet ti nationwide ban.
Segun ken ni Sen. Erwin Tulfo a chair iti komite, nagbalinen a bulsek dagiti police officals manipod regional director, provincial commander ken chief of police iti panangisayangkat ti e-sabong iti lugarda.
Kinuna ni Tulfo nga imposible a saan ng ammo dagiti police officers iti illegal cockfighting a mapaspasamak ta umabot iti 200 agingga 300 a laban kada aldaw a pakairamanan iti 600 fighting cocks.
Imbitaran ni Tulfo iti Philippine National Police (PNP) ken National Bureau of Investigation (NBI) officials nu agsubli iti imbestigasyon inton sumaruno a bulan.
Pinasingkedan ni Tulfo nga ammona a ti illegal sabong operators ket makaurnong iti P300 million agingga P600 million kada bulan ken ti maiyawidda ket P400 million a maikissay iti maited kadagiti police ken NBI.
Maipalagip nga impagel ni dati a President Rodrigo Duterte ti online sabong gapu kadagiti report a pannakapukaw dagiti mannadi, a mapapati a naiballeng ti bangkayna iti Taal Lake.
