Pinasingkedan ni Senate President Vicente ‘Tito’ Sotto III nga ituloy ti Senate Blue Ribbon Committee ti imbestigasionna iti anomalya dagiti flood control project uray adda nabukel nga Independent Commission for Infrastructure.
Ti blue ribbon committee, nga ita ket idaulwan ni Senador Panfilo ‘Ping’ Lacson ket mangisaysayangkat iti motu propio inquiry in aid of legislation iti The Philippines under Water ken ti privilege speech ni Lacson mainaig iti iregularidad kadagiti flood control project iti nadumaduma a paset ti pagilian.
Naituding ti sumaruno a hearing ti panel inton Setyembre 18, aldaw ti Huebes.
Adda turay ti independent body a mangiruar iti subpoena para iti attendance dagiti witness ken produksion iti dokumento a kasapulan para iti fact-finding and investigation activities.
