Inkeddeng iti Senado nga i-archive pay laeng ti impeachment case kontra ken ni Vice President Sara Duterte.
Ti addang ket kas tignay ti executory decision ti Korte Suprema iti panagibasura ti impeachment complaints.
Sangapulo ket siam a senador iti pabor nga i-archive iti kaso, uppat iti kimmontra ken maysa iti nag-abstain.
Dagiti nag-yes iti botosna ket pakairamananda Senators-Alan Peter Cayetano, Pia Cayetano, Ronald “Bato” Dela Rosa, JV Ejercito, Francis Escudero, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Imee Marcos, Robinhood Padilla, Erwin Tulfo, Raffy Tulfo, Joel Villanueva, Camille Villar, Mark Villar ken Juan Miguel Zubiri.
Dagiti met kimmontra ket da Senador Paolo Benigno “Bam” Aquino IV, Risa Hontiveros, Francis “Kiko” Pangilinan ken Sen. Vicente “Tito” Sotto III idinto a ti nag-abstain ket ni Sen. Panfilo Lacson.
Maipalagip nga immunan a kiniddaw ni Sen. Marcoleta nga ibasura laengen ti impeachment case kontra ken ni VP Sara agingga immanugot nga i-archive laengen.
Inlawlawag ni Sen. Alan Peter Cayetano a ti panang-archive iti impeachment case ni VP Sara ket saan a mangipasimudaag nga awanen nu diketdi addanto met laeng apaman a baliktaden ti Korte Suprema iti pangngeddengda.
