Pinasingkedan ni Senador Erwin Tulfo a mangisayangkat ti komitena iti Senado iti komprehensibo a panagadal iti pannakaipatungpal ti Republic Act No. 9344 wenno ti Juvenile Justice and Welfare Act of 2006 kalpasan ti nagsasaruno a krimen a nakairamanan dagiti menor de edad, kas ti napasamak a pammaltog idiay Tacloban City.
Gagem ti panagdengngeg nga ammuen ti pagkurangan iti pannakaipatungpal ti linteg, argaman ti kinakurang dagiti Bahay Pag-asa, bileg dagiti intervention program para iti Children in Conflict with the Law (CICL) ken Children at Risk (CAR).
Maadal pay no ti agdama a tawen ti criminal liability ket mayannatup.
Segun ken ni Tulfo, gagem ti komite a maaddaan iti balanse a Sistema a mangted hustisia kadagiti biktima kagiddan ti pannakaital-o ti rehabilitasion dagiti menor de edad.
