--Ads--
Kayat ni Senate President Pro Tempore Vicente “Tito” Sotto III ti maaddaan iti nalawag a pagannurotan kontra iti napaot ken di otorisado a kaawan dagiti senador iti trabaho da.
Mainaig iti daytoy, nangipila iti Senate Resolution No. 751 a mangkiddaw iti Senate Committee on Rules a repasoen dagiti agdama a pagannurotan ken irekomendar ti maiyannatop nga aramiden.
Impaganetget ni Sotto a ti panagbalin a senador ket maysa a panagtalek nga ited dagiti umili isu a masapul nga tungpalen dagiti nabotosan nga opisial ti pagrebbenganda.
Ti panggep ti resolusion ket tapno adda mekanismo a mangsigurado a sumungbat dagiti senador kadagiti pagrebbenganda ken saan a mabaybay-an ti napateg nga aramid ti Senado.
-- ADVERTISEMENT --
