VIGAN CITY- Nasakit iti nakem ni Sen. Sherwin Gatchalian iti panangawag ni Presidente Rodrigo Duterte nga “stupid” ti Diyos a Namarsua ti lubong.
Ti pannaki-uman ti Bombo Radyo Vigan ken ni Sen. Gatchalian, kas maysa a dimmakkel iti maysa a Christian family ken ti inana ket maysa a pastora, napasaktan iti rikna da gapu ti insawang ni Presidente Duterte ti Apo a Namarsua a resrespetaren ken pagrukrukbaban da.
Kinuna ti senador a nangato iti respeto na ti presidente ken suportaran na amin nga addang iti administrasyon na ngem saan na a maawat iti kaudian a banat iti presidente.
Maipalagip nga inawagan ti presidente nga “stupid” ti Apo a Namarsua ket inpatangken na nga awan iti siasinuman a makapursar kenkuana a sumurot ti Dios a pagrukrukbaban ti kaaduan.
