Pinaglibakan ni Senador Robin Padilla dagiti pammabasul a tinulonganna a makalibas ni Senador Bato dela Rosa.
Maipalagip nga agkadua a pimmanaw da Padilla ken ni Dela Rosa iti pasdek ti Senado idi parbangon ti Mayo 14, kalpasan ti napasamak a panagpaputok iti paltog iti Senado idi Mayo 13.
Segun ken ni Padilla, awan ti ania man a gandatda a mangliklik kadagiti otoridad ken naurnos ti ipapanawda iti Senado iti sangwanan dagiti adu a pulis ken security personnel.
Innayon ti senador a nakapatang ni Dela Rosa da DILG Secretary Jonvic Remulla ken ni PNP Chief Jose Melencio Nartatez Jr ket nailawlawag a seguridad laeng ti gagemda a pimmanaw.
Impaganetgetna pay nga awan ti naipakita a local arrest warrant isu nga awan ti rason nga aglemmeng wenno lisyanda dagiti otoridad.
