Inkalintegan ni Sen. Robin Padilla dagiti sarita ti Chinese Embassy kadagiti opisyal ti gobierno iti Pilipino maipanggep ti isyu idiay West Philippine Sea.
Binabalaw ti senador ti opisyal ti Philippine Coast Guard (PCG) kalpasan iti inaramidda a caricature ni Chinese President Xi Jinping.
Segun ken ni Padilla, saan a husto para iti maysa nga opisyal ti gobierno nangruna iti unipormado a pagbalinen a nakakatkatawa wenno caricature ti lider iti sabali a pagilian.
Iti plenary session, binigbig ni Padilla ni Commodore Jay Tarriela, PCG Spokesperson for the West Philippine Sea ken binalakanna a saannan nga uliten iti kas iti nasao a klase ti tignay.
Kinunana a ti presidente ti maysa a pagilian ket simbolo iti estado ken rumbeng a dayawen kas iti panangdayawda iti bandera.
Inlawlawag ti senador a saanna a supsuportaran ti panangbastos iti Chinese Embassy kadagiti opisyal ti Pilipinas ngem saan a husto iti aniaman a panagbastos nga aramiden iti pagilian.
