Pakaragsakan ni Senador Risa Hontiveros ti pannakasentensya a tungpal biag ni dati a Bamban, Tarlac Mayor Alice Guo alyas Guo Hua Ping iti kaso a korapsyon, human trafficking, cybercrime ken dadduma pay a transnational crimes iti Pasig City Regional Trial Court.
Segun ken ni Hontiveros a nangidaulo ti panagimbestigar iti human trafficking kontra ken ni Guo, saanen a ma-ulit pay iti siasinoman nga agpanggep nga aglabsing iti linteg kas iti inaramid ti dati a Mayor.
Kinuna ni Hontiveros nga ita nga aldaw ket naiserbi ti hustisya ta iti pannakasentensya ni Guo ket balligi kontra iti korapsyon, human trafficking, cybercrime ken dadduma pay a transnational crimes.
Nagyaman ni Hontiveros iti amin a biktima, nakaimatang ken whistleblower a nakaitured a timmestigo iti Senado.
