--Ads--
Ibilang ni Senador Risa Hontiveros a ‘missed opportunity’ ti saan a panangdakamat ni Presidente Ferdinand Marcos Jr iti isyu ti online gambling iti maikapat nga State of the Nation Address-na.
Segun ken ni Hontiveros, maysa ti nasao a banag kadagiti impilaanna iti resolusyon, a naglaon iti dinosena a probisyon, agraman ti panangiparit iti koneksyon kadagiti online gambling platform ken dagiti e-wallet wenno super apps.
“Naingpis” ti panangiladawan ti senador iti maikapat a SONA ti presidente gapu ta malaksid iti online gambling ket saan pay a nadakamat ti mainaig iti ingangato ti sueldo dagiti mangmangged.
