Nabotosan manen a Chairman ti Senate Blue Ribbon Committee (BRC) ni Senate President pro-tempore Ping Lacson.
Iti session a naisayangkat ket in-mosyon ni Senate Deputy Majority Leader JV Ejercito ti eleksyon ni Lacson kas BRC Chairman ken awan iti kimmontra a senador.
Agsagsaganan iti komite iti maisayangkat nga imbestigasyon iti maanomalya a flood control projects a maisayangkat inton November 14.
Karaman iti maisagana ket ti imbitasyon tapno dumar-ay iti panagdenggeg iti sangapulo ket siam a senador a pakairamanan iti sangapulo ket pito a kongresista a karaman iti panagpondo iti maanomalya a flood control projects ni dati nga Speaker Martin Romualdez ken Cong. Eric Yap.
Kabayatanna, siguradoen ni Lacson ti panagdar0ay ti ibagbagana a “very important witness” a mangpatibker ken mangpaneknek kadagiti kaso a naipila kontra kadagiti karaman iti ghost flood control projects.
Kinuna pay ni Lacson a napateg iti agbalin a panagdenggeg iti Blue Ribbon Committee inton Biernes ta posible a mangrugi ti preliminary investigation ti Department of Justice (DOJ) ken Ombudsman mainaig iti flood control anomaly.
