Nagpanawagan ni Senador Loren Legarda iti amin a barangay iti pagilian a mangisayangkat ti “drainage hanapin, drainage linisin” drive, sakbay a malpas iti agdama a tawen.
Gagemna a mabigbig ken madalusan dagiti kanal ken pagnaan iti danum tapno maliklikan iti layos, sakit nga ipaay iti lamok ken kontaminasyon iti danum kadagiti komunidad.
Segun ken ni Legarda, sagut dayta iti kinatalged para kadagiti pamilia ken panangisakit iti aglawlaw.
Pinasingkedan ti senadora ti listaan manipod iti Philippine Atmospheric, Geophysical and Astronomical Services Administration (PAGASA) a mangibagbaga a duapulo ket dua a bagyon iti simrek iti Philippine Area of Responsibility ita a tawen ken manamnama iti maysa wenno dua pay sakbay a malpas iti Disyembre.
Innayonna a rumbeng a mangipatungpal dagiti barangay ti epektibo a praktis kas iti panangituding ti clean up days, pannakikammayet kadagiti pagadalan tapno iraman dagiti estudyante iti awareness drives ken panangipan iti nalawag a signage kadagiti pagnaan iti danum tapno lapdan ti panagballeng iti basura.
